سوباهی وەزیرا نەفتێ و تیمەکا وەزارییا نەفتا عێراقێ دێ سەرەدانا هەرێما کوردستانێ کەن
پێشەوا هەورامانی، پەیڤدارێ حکومەتا هەرێما کوردستانێ راگەهاند : ئەڤ سەرەدانە لسەر رێککەفتنا هەردوو سەرۆکوەزیران مەسرور بارزانی و محەممەد شیاع سوودانی بوویە هەتا کو دهێنە هەرێما کوردستانێ و دگەڵ وەزارەتا سامانێن سروشتی دۆسیەیا نەفتا هەرێما کوردستانێ و ئاریشەیان پێکڤە چارەسەربکەن.
پەیڤدارێ حکومەتا هەرێما کوردستانێ ئاماژە ب هندێ کر کو بابەتێ سەرەکیێ کومبوونان ئاریشەیا تێچویا بەرهەمئینانا نەفتێ و رێکارێن ڤرێکرنا نەفتا هەرێما کوردستانێ یە، بۆ ڤێ پرسێ دوو بۆ سێ ڕۆژان دمینیتەڤە.
