مەسرور بارزانی، سەرۆکێ حکومەتا هەرێما کوردستانێ، پێشوازی ل جۆشوا هاریس، کارپێکەرێ باڵیۆزخانەیا ئەمریکا ل عێراقێ کر؛ د کۆمبوونێدا جەخت ل پێدڤیا هنارتنا شایستە داراییێن هەرێمێ و مووچەیێ هەیڤا 11 و 12یێ ساڵا بووری کر.
ڕۆژا سێشەممبی 13-01-2026، مەسرور بارزانی، سەرۆکوەزیرانێ هەرێما کوردستانێ، پێشوازی ل جۆشوا هاریس، کارپێکەرێ باڵیۆزخانەیا ئەمریکا ل عێراقێ کر. د کۆمبوونێدا، وێندی گرین، کونسوڵا گشتییا ئەمریکا ل هەرێما کوردستانێ ئامادە بوو.
ماڵپەڕێ حکومەتا هەرێما کوردستانێ بەلاڤکریە ، بەرەڤپێشبرنا زێدەترا پەیوەندییێن دوولایەنە، دۆخێ گشتییێ عێراقێ و گفتوگۆیا لایەنێن سیاسی بۆ پێکئینانا کابینەیا نوی هاتە بەحسکرن. هەردوولا هەڤرەئیبون ل سەر گرنگییا ڕێزگرتن ل قەوارەیێ دەستووری و فیدراڵییێ هەرێما کوردستانێ، دابینکرنا ماف و شایستە داراییێن هەرێما کوردستانێ، بەردەوامییا هنارتنا مووچەیێ مووچەخۆرێن هەرێمێ ژلایێ حکومەتا فیدراڵەڤە، ب هەردوو مووچەیێن هەیڤا 11 و 12یێ ساڵا بووری.
کارپێکەرێ باڵیۆزخانەیا ئەمریکا ل عێراقێ ، پشتەڤانیا وەلاتێ خۆ بۆ هەرێمێ و بتایبەتی چاکسازییێن حکومەتا هەرێمێ ل کەرتێن جۆراوجۆردا دووپات کرەڤە و ئاماژە ب وێ چەندێ دا هەرێما کوردستانێ هەڤبەش و هەڤپەیمانا بهێز و گرنگا ئەمریکایە ل دەڤەرێ.
سەرۆکوەزیران سوپاسیا هەڤکاری و پشتەڤانیا بەردەواما ویلایەتە ئێکگرتیا ئەمریکا کر. دووماهیک گۆهارتنێن دۆخێ گشتییێ دەڤەرێ، تەوەرەکێ دیکەیێ گفتوگۆیێ بوون.
