نێچیرڤان بارزانی، سەرۆکێ هەرێما کوردستانێ د بەشەکێ پەیامەکێدا دبێژیت، "بڕيارا ئهڤڕۆ یا دادگهها بڵندا فيدراڵيىا عێراقێ ب نەدروستی هنارتنا شايستهىێن دارايى و مووچهىێ مووچهخۆرێن ههرێما كوردستانێ ژلايێ حكومهتا فيدراڵيىا عێراقێڤە ل ساڵێن 2021 و 2022، بڕيارەکا تهواو نەدادپهروهرییە و ستهمكارییە."
سەرۆکێ هەرێما کوردستانێ ئاماژە بوێ چەندێژی کر، "ئهو بڕياره نهك بتنێ مووچهخۆران و خهڵكێ كوردستانێ كو وەڵاتيێن عێراقێنە، بهڵكو هەمی پرۆسهیا و سهقامگيريىا سياسى و ئهو رێككهفتنێژی ب ئامانج دگریت كو حكومهتا نوىیا فيدراڵيىا عێراقێ لسهر هاتیە دامهزراندن"
نێچیرڤان بارزانی دبێژیت، عێراق ب پرۆسهيهكا درێژ و ئاڵۆزا سياسى و نەسهقامگيريدا دەربازدبیت هەتاکو دوجاران حكومهتەك ل بهغدا دروسبو كو خهڵكێ عێراقێ هيڤی و ئومێد لسهر قۆناخەکا سهقامگير و باشترا داهاتی هەبو، "ههمی چاڤەرێبونەک ل دادگهها بڵندا فيدراڵيىا عێراقێ ئهو بوو كو ب پاراستنا بهرژهوهنديىا ههمی پێكهاتهیێن عێراقێ و ب رهچاوكرنا دۆخێ سياسى، نهبیتە ئەگەرێ شێواندنا ئهو دهرفهت و كهشهێ ئهرێنييێ بۆ چارهسهركرنا ئاریشەیێن وەڵاتی، بتايبهتى ئاریشەیێن ههولێر ـ بهغدا دروست بووین و سهقامگيريىا سياسيىا عێراقێ نهئێختە د مهترسييێدا!"
سەرۆکێ هەرێما کوردستانێ سەبارەت بڕيارا دادگهها بڵندا فيدراڵيىا عێراقێ ئەو چەند ئێخستیە رووی، "ژبلی گومانێ و دههان نيشانێن پرسيارێن مەزن دروست دكەت، ههروهسا بابهتێ لەزکرنێ ل دانانا ياسايهكا تازه بۆ دووباره دامهزراندنهوا دادگههێ دئینتەپێشڤە، وهکو بهشەکێ گرنگ و سهرهكيىێ رێككهفتنا لايهنێن سياسي بۆ دامهزراندنا حكومهتا نوىیا فيدراڵيىا عێراقێ."
